Tripulación!!! Trala faena en Sudáfrica e a singradura até Irminguen, evolucionamos case sen decatarnos!!! E aquel palangreiro valente que se enfrontou á galerna tornou no pedazo arrastreiro co que pescaremos neste mar! Que como aconteceu? Se foi unha evolución froito da loita e da experiencia ou foi cousa dos cambios na sala de máquinas é algo que resolveremos nesta unidade a través dos seguintes contidos:
- A orixe da vida. Principais hipóteses:
- Teoría da xeración espontánea
- Teoría da orixe química
- A evolución biolóxica. Principais teorías:
- Fixismo e catastrofismo.
- Lamarckismo.
- Darwinismo
- Neodarwinismo
- Outras teorías: saltacionismo e neutralismo.
- Probas da evolución
- Mecanismos de evolución
- As árbores filoxenéticas no proceso de evolución
- A evolución humana
Cando remates a xornada comproba que a pesca foi produtiva e fai o Cuestionario de control.
Tino capitáns co arrastre que xa se sabe o mal que foi coa vida nos océanos! E nestas redes toca recoller eses contidos! Participemos todos!!!!
Rede 1. Orixe da vidaRede 2. A evolución biolóxica
Rede 3 Evolución humana
Rede 4 Biodiversidade
Fondeando as nasas
- Formaremos 4 grupos de traballo.Cada grupo recollerá unha das anteriores redes e elaborará unha presentación en power point, con imaxes, vídeos e o que considere. Na presentación deben recollerse as informacións máis relevantes das atopadas nestas redes. Tede en conta que debedes pensar que se trata de información para expoñer e que os vosos compañeiros/as a entendan! Boa pesca!
- Como vai a pesca capitáns!. Agora toca ver algúns vídeos e tomar notas. Imos, que non hai ondas que poidan con nós!!!
Vídeo sobre a orixe da vida
Vídeo sobre evolución biolóxica
- Vemos o seguinte video sobre a evolución humana e apuntaremos as ideas principais.
Despois de ver o vídeos reflexionaremos sobre os contidos. Podemos empregar internet para contrastar as informacións e ver as diferentes perspectivas que existen!
Elaboraremos un debate na aula. Lembrade, coma sempre, que as nosas intervencións deben estar argumentadas e ser respectuosas!
- Co lance desta rede faremos unha webquest sobre a evolución humana na que nos convertiremos en paleontólogos por un día.
- Cal é o resultado da evolución biolóxica? Pois a diversidade actual de especies. Vexamos este vídeo:
.
E agora falemos con coñecemento de causa : QUÉ ESTÁ PASANDO COA BIODIVERSIDADE DO NOSO PLANETA?
QUÉ CHE DI ESTA FOTOGRAFÍA??????
O caderno de bitácora
Recolleremos no caderno de bitácora o aprendido nas exposicións, debates e reflexións que elaboraremos neste Mar. Para poñer en práctica todos os saberes adquiridos imos recoller a seguite rede, na que subiremos a bordo actividades interactivas sobre evolución e orixe da vida.
E agora traballaremos no caderno de clase:
- Rede 1 Cuestionario conceptos básicos
- Rede 2 Cuestionario teorias evolutivas
- Rede 3 Cuestionario probas evolución
- Rede 4 Estudo serie filoxenetica cabalo
- Rede 5 Estudo quiridio
- Rede 6 Cuestionario repaso
- Atención á diversidade: reforzo ampliación esquemas mudos fichas multilingües
Avante Toda!
Unha vez máis amosamos capitáns, que a nosa é unha tripulación ben evolucionada!! Parabéns pola maré neste mar. Coma sempre aquí quedan unhas redes para a travesía que nos queda até as Illas Quer! O que queira ampliar coñecementos, aquí lle quedan. Polo demais, penso que aínda que a evolución a arrastreiro estivo ben, sómosche nós máis de palangreiro, que a biodiversidade cómpre respectala con pesca responsábel! Así entón, encebando o palangre, proa ergueita, e avante toda ás Illas Quer!
Ningún comentario:
Publicar un comentario
Nota: só un membro deste blog pode publicar comentarios.